فرانسیسی حکام کا کہنا ہے کہ القاعدہ کے سربراہ اسامہ بن لادن کے بیٹے عمر بن لادن کے فرانس میں داخل ہونے پر پابندی لگادی گئی ہے، عمر بن لادن اب کسی بھی وجہ سے فرانس میں داخل نہیں ہوسکتے۔
بین الاقوامی خبر رساں ادارے کی رپورٹ کے مطابق عمر بن لادن کئی برس سے اپنی برطانوی بیوی کے ہمراہ فرانس کے گاؤں نارمنڈی میں رہ رہے تھے، جہاں وہ بطور آرٹسٹ کام کرتے تھے۔
اسامہ بن لادن کے بیٹے عمر بن لادن کو گزشتہ برس فرانس چھوڑنے کا حکم دیا گیا تھا اور دو سال کیلیے فرانس آنے پر پابندی لگائی گئی تھی۔ اس وقت عمر بن لادن قطر میں ہیں۔
فرانس کے نئے وزیر داخلہ برونو ریٹیلیو کا اس حوالے سے کہنا ہے کہ انہوں نے عمر بن لادن کو فرانس واپس آنے سے روکنے کا حکم نامہ صادر کیا ہے۔
برونو ریٹیلیو کا کہنا تھا کہ عمر بن لادن کو سوشل میڈیا پر دہشت گردی کی حمایت کے الزام میں ملک بدر کیا گیا تھا، جبکہ عمر بن لادن کی جانب سے اپنی بے گناہی کا دعویٰ کیا گیا ہے۔
برطانوی خاتون کا سمندر سے اسامہ بن لادن کی باقیات ملنے کا دعویٰ
ایکس پر شیئر کی گئی ایک پوسٹ میں فرانسیسی وزیر داخلہ برونو ریٹیلیو نے الزام لگایا کہ عمر لادن نے 2023 میں اپنے سوشل میڈیا اکاؤنٹس پر قابل اعتراض مواد شیئر کیا تھا۔
ایک تبصرہ شائع کریں